Cesari Dauger - aigaberdenc, occitan,bigorre, institut d'estudis occitans, institut d'études occitanes, IEO, Lavedan, Argelès-Gazost

En cors de lenca dera Maison dera Paròla,

que tribalham, aquestes torns sus un tèxte tirat deras :

FABLAS GASCONAS

1933

Abat Cesari Daugé (1858-1945)

Majorau deu Felibrige

Abans díser

"Que m’a gahat l’idèa de har fablas en parlar de noste, shens víver d’empront, deus anciens abans, com a heit en França lo gran Lafontaine, com an heit en parlar deus entorns de Baiona Daretche o Batdebat, o lhèu los dus amassa, qui’s son acontentats de vestir de pelhas gasconas, e mei que dab hiu blanc, ua tropa de fablas deu gran fabulista de França.

Víver deus anciens, aquò plan. Díser ne j’a pas arren de nau devath lo só, aquò tanben vertat entà juste tot, pr’amor l’arròda que vira. Disetz-me se l’electricitat, l’autò, l’avion, la becicleta, o tant d’autas causas de tostemps e de pertot, mes qui los anciens n’an pas heit devisar, ne serén pas ua nautat se uei e las hasèn devisar ?

Aquò qu’èi volut muishar. E m’i serei escasut ? Diu volhi que posquin díser quiò."